Thursday, January 19, 2012

Манай удирдагчид Бээжинд Азийн нэгдсэн улс байгуулах халхавчийн дор Хятадтай нэгдэх хүслээ зарлажээ

2025 онд манай талын хүсэлтээр Хятадтай нэгдэж магадгүй болов

МАХН, АН-ынхан Хятадын коммунист намын хуралд очихдоо зүгээр нэг найрамдал яриагүй аж. Монгол-Хятадын хосгүй нягт нөхөрлөл, үерхэл, дурлал гэсэн утгатай юм ярьж, золтой л ор хөнжлийн явдлын тухай хэлээгүй гэнэ.
Нэг улс төрч маань “Ази нэг улс болох ёстой. Нэг мөнгөн тэмдэгттэй, нэг армитай, нэг төртэй, нэг эдийн засагтай, нэг хэлтэй болох ёстой! Үүнийг манай хоёр улс үлгэр жишээлэн эхлүүлэх ёстой” гэжээ.
Азид Монгол, Хятад хоёроос өөр ийм юм ярьж байгаа улс байхгүй тул хятадууд манай гүрэнтэй л Монгол нэгдэнэ гэсэн санаа юм байна гэж ойлгож, хэвлэлээрээ шуугижээ. Хоёр эрх баригч намынх нь мөрийн хөтөлбөр гэж ухаарчээ. “Монгол улсын эрх баригчид БНХАУ-тай нэгдэх хүслээ илэрхийлэв”, “Үндэсний валютаа халж, юанийг хэрэглэх, үндэсний армиас татгалзаж, Хятадын армиар хамгаалуулах санал тавив”, “Бусад улсыг ч Хятадад нэгдэхийг Монголын удирдагчид уриаллаа” гэхчилэн бичжээ.
Манай дарга нар 1990 оноос хойш нэгдэх хүсэлтийг илэрхийлсэн бичиг сачгийг Хятадад өгч шан хүртдэг болсон билээ. Үүнийг 25 жил цуглуулж байгаад НҮБ- танилцуулж, олон улсын дэмжлэгийг авч, дэмжихгүйг нь мад тавих зорилгыг Хятадын засаг төр тавьж байгаа. Энэ тухай Тайваний хэвлэлд тодорхой бичсэн.
Одоо бүр Азийн улс байгуулна гэх нэрийн дор ил хэлдэг болж. Удалгүй Хятадтай нэгдэхгүйгээр яаж амьдрах юм бэ! гэж бархирах биз. Монголчуудыг ямар ч амьдралгүй болгож буйгийн учир нь энэ шүү дээ.
Урьд ийм удирдагчдыг урвагч гэдэг байсан бол, одоо тахин шүтдэг болжээ, хүмүүс маань.

1 comment:

gelgertseg said...

baruuniihnii kolonchloh bodlogo odoo Azi tiv ruu temuulsen gehdee Yeropiin holboo n zadran unaad tednii sanaarhal bielehgyi.Aziin holboog eserguutsegch tsogtoi eh oronchid olonh n bgaa gantshan ted maani tarhi ugaaltaas angijirch uuriin nudeer hardag bolmoor bna.