БНХАУ-ын эрх баригчдад хүргүүлэх шаардлага

Өмнөд монголчуудын эрх өнөөдөр маш ноцтойгоор зөрчигдөж, дэлхийн улсууд дахь цөөнх үндэстнүүд дотроо хамгийн хүнд нөхцөл байдалтай хэдийн тоонд орох болжээ. Өвөр монголын ӨЗО-нд монголчууд оршин суугчдын арван хэдхэн хувийг эзлэх болтол нь БНХАУ-ын олонх хань үндэстнийхэн түрэмгийлэн ирж суужээ. Өмнөд монголчуудын газар нутгийг булааж, хятад хотууд руу хүчээр суурьшуулж, амьдрах аргагүй гуйлгачин, тэнүүлч, хууль зөрчигч болгож байна. Хэл соёлыг нь хавчин гадуурхаж, монгол үндэстнийг уусган үгүй хийж байна. Байгалийн баялгийг нь цөлмөж, бэлчээр нутгийг нь улаан түйрэн болгож байна. Эсэргүүцсэн хүнийг хорих, тамлах, амь насыг нь хороох зэргээр цээрлүүлж байна.
Энэ бүхэн дэлхийн монголчуудыг зовоож түгшээхгүй байхын аргагүй ээ. Бүх монголчууд нэгэн ард түмэн болохыг нотлон, эрслэн боссон бид БНХАУ-ын эрх баригчдад дараахь шаардлагыг хүргүүлж байна.

УИХ-ын сонгуульд, цөмийн мафийг үл сонгоцгооё!

Сонордуулга

Улс оронд маань аймшигт аюул занал учраад байгаа билээ. Энэ бол цөмийн аюул юм.
Монгол оронд дэлхийн хамаг цөмийн хөнөөлийг төвлөрүүлэх гэсэн хуйвалдаан сүүлийн жилүүдэд нэн эрчимжиж байна. Манай гараг дээрх 160 мянган тонн цөмийн хаягдлыг булах, атомын эрчим хүчний үйлдвэрлэлийг бөөгнүүлэх, уран олборлох, боловсруулах гээд бүх аюултай, эрсдэлтэй үйл ажиллагааг явуулахаар санаархаж, түрүүчээсээ хэрэгжиж байна. Түм буман он өнгөрөвч гамшиг уршиг нь төдийлөн арилдаггүй, юутай ч зүйрлэшгүй хор болох цөмийн хаягдлыг сэм булж эхэлж байгаагаас нийслэлийнхний ундны ус хүртэл цацрагаар бохирдлоо. АЦС байгуулна гэж бэлтгэл ажил хийсээр байгаа бөгөөд, эрчим хүчний үйлдвэрлэлийг Монголд гэнэт нэмэгдүүлэх болсны шалтгаан нь уул уурхайн цөлмөгч гадаадын компаниуд болон, бусад улсуудыг цахилгаанаар хангах явдал юм. Монгол улсын нутаг дэвсгэрийн 12 хувийг ураны хайгуул, олборлолын лицензээр олгосон бөгөөд, энэ хаалттай бүсүүдэд ямар ч нууц үйл ажиллагааг хяналтгүйгээр явуулах боломжтой.

Яс үндсийн худал мэдээлэлгүйгээр сонгуульд оролцъё!

Уриалга

Манай "Хөх Монгол" бүлгэм 2009 онд, "Монгол улсын ерөнхийлөгчийн сонгуульд нэр дэвшигч ургийн бичгээ сонгогчдод танилцуулах ёстой" гэсэн саналыг дэвшүүлэн, хэвлэлийн хурлаар олон нийтэд мэдэгдэж байсан билээ. Тэгвэл энэ удаад "УИХ-ын сонгуульд нэр дэвшигч угсаа гарвалиа худал мэдүүлэхгүй байх ёстой" гэсэн саналыг дэвшүүлэн, энэ хэвлэлийн хурлыг хийж байна.

УИХ-ын сонгуулийн тухай хуулийн 1-р бүлгийн 4.1-д "Монголын УИХ-ын сонгууль нь Монголын ард түмэн Засгийн эрх мэдлээ хэрэгжүүлэх үндсэн дээр хууль тогтоох байгууллагыг (ХТБ) өөрсдийн төлөөлөгчдөөр бүрдүүлэх үндсэн арга мөн" гэсэн байдаг. Эрлийз хурлийз хүмүүс бол шинжлэх ухааны үүднээс авч үзэхэд угсаатны бүлэг мөн бөгөөд өөрийн гэсэн онцлогтой цөөнх юм. Энэ цөөнхийн төлөөлөл ХТБ-д хангалттай байж ирлээ. Тэгвэл олонхийн төлөөлөл тийм хангалттай бус байна. Олонхийн төлөөлөл төлөөллийн байгууллагад олонх байх нь жинхэнэ ардчилал юм! Олонх өөрсдийн төлөөллөө сонгох эрхтэй. Энэ эрхийг хөсөрдүүлж болохгүй юм. Олонхийн төлөөлөл олонх байх зарчим ноцтойгоор алдагдах нь Үндэсний аюулгүй байдалд ч харшилж, янз бүрийн сөрөг үр дагавар авчрах магадлалтай. Үүнийг гаргуулахгүй байх арга зам нь яс үндсийн талаар худал мэдээлэл түгээхгүй явдал юм.

АНУ-ын ардын баатар бүсгүй монгол сэтгүүлчид гэнэт хайр зарлав

Гэрлэвэл 3 сая ам доллар шагнана гэж амлав

Миний бие, мянга мянган фэйсбүкийн найз нөхөдтэй болоод байгаа билээ. Ихэнх нь монгол туургатан нөхөд юм. Өмнөд монгол, хазар найз олонтой. Нэг постыг маань хазар нөхөд хэдэн зуу комментэлж, хэдэн зуу шэйрлэж, хэдэн зуу лайкадсан удаатай. Гэхдээ хазаруудын талаар, ялангуяа Афганистаны хазаруудын талаар хангалттай мэдээлэлгүй хэвээр л байна. Хазаруудын үндсэн хэсэг Афганистанд байдгийг ч хэлэх үү.
Сайн хүн санаагаар гэгчээр, Афганистанд алба хаадаг, АНУ-ын армийн албан хаагч Моника Браун найзлах хүсэлтээ ирүүллээ. Энэ хүнээр дамжуулаад л афганы хазаруудтай зузаараад авъя гэж бодов. Фэйсбүкийн зураг мэдээлэл нь бага юм. Тийм идэвхгүй хүн зөндөө байдаг л даа. Тэгээд ч галын тэргүүн шугаманд байдаг, армийн алба хаагч фэйсдээд байхыг тэр бүрий зөвшөөрдөггүй биз гэж саналаа.
АНУ-ын дэд ерөнхийлөгч Дик Чейнигээс өндөр дээд шагнал авч буй зураг нь үзэгдэв. Дэлхийн 2-р дайнаас хойш хэн ч аваагүй, Эр зоригийн мэдалыг авсан, амэрикчуудын бахархал болсон баатар хүн юм байна. Олзуурхсан гэж.

7-р сарын 1-ний хэрэгт нэр холбогддог С.Баяр, Ц.Мөнх-Оргил нэр дэвшвэл иргэний хөдөлгөөд тэмцлийн хурц хэлбэрт шилжинэ

Тэд дэвшсэн тохиолдолд тойрогт нь болон, 
олон нийтийн талбарт сөрөг кампани өрнүүлнэ

7-р сарын 1-ний аймшигт хэрэг явдалд буруутай С.Баяр, Ц.Мөнх-Оргил зэрэг улс төрчдийг нэр дэвшүүлэхгүй байхыг 7-р сарын 1-ний хохирогчдын холбоо, Эрүүл нийгэм-Иргэний хөдөлгөөн, Шударга иргэдийн фронт, Хохирогчдын нэгдсэн холбоо, Үндэсний Хас хөдөлгөөн, МАН-ын Шударга ёс хөдөлгөөн зэрэг ТББ-ууд МАН-д шаардсан билээ. Энэ явдалд МАН хэрхэн хандсан талаар тодруулан, 7-р сарын 1-ний Хохирогсдын Холбооны тэргүүн Ж.Энхбаяртай ярилцлаа.

-Та бүхэн 5-р сарын 15-ны дотор шаардлагын хариуг хэвлэл мэдээллийн хэрэгслээр, эсвэл биечлэн өгөхийг анхааруулсан. МАН-аас хариу өгөв үү?
-Бидний шаардлагыг үл тоомсорлон, хариу өгсөнгүй. Ийнхүү шударга шаардлагыг маань уландаа гишгэн, хөсөр хаясан тул амь насаа ч үл хайрлан, сонгуулийн бузар луйврын замыг нь хөндөлсөх болно гэдгээ хатуу анхааруулъя. Бид улс төрийн бусармаг явдлын золиос болсон, нэгэнт алдах зүйлгүй хүмүүс учир, энэ зүй бус хандлагын хариуг хангалттай хэмжээгээр өгч тэмцэх болно гэдгээ МАН-ын дарга С.Батболд, нэр дэвшихээр горилогч С.Баяр, Ц.Мөнх-Оргил нарт хатуу анхааруулъя.

Ж.Энхбаяр: 7-р сарын 1-ний гэм буруутнуудыг нэр дэвшүүлсэн, МАН-ын эсрэг тэмцлийн хурц хэлбэрт шилжнэ

7-р сарын 1-ний хэлмэгдэгч, улс төрийн хоригдлуудыг даруй сулла! 

7-р сарын 1-нд гэм буруутай гэгддэг С.Баяр, Ц.Мөнх-Оргил нар сонгуульд нэр дэвшиж буйг, 7-р сарын 1-ний хохирогчдын холбоо болон, Эрс шинэчлэл, Шударга иргэдийн фронт, Хохирогчдын нэгдсэн холбоо, МАХН-ын "Шударга ёс" бүлэг, Үндэсний хас зэрэг ТББ-ууд эсэргүүцэж байгаа билээ. Эсэргүүцлээ хэвлэлийн хурлаар мэдэгдсэн. Тэдний тавьсан шаардлагад МАН хариу өгөөгүй байна. Тиймээс, тус ТББ-ууд тэмцлийн хурц хэлбэрт шилжинэ гэж буй. Энэ талаар, 7-р сарын 1-ний хохирогчдын холбооны тэргүүн Ж.Энхбаяртай ярилцлаа.

-Та бүхэн яагаад энэ хоёр хүнийг гэм буруутан гэж үзэж байна вэ?
-С.Баяр бол МАХН-ын дарга, ерөнхий сайд байсан. Сонгуулийн будлианыг зохион байгуулсан, энэ луйварт дургүйцсэн эсэргүүцэл өрнөхөд асуудлыг хурцатгасан, онц байдал зарлуулах гэж хамгийн ихээр зүтгэсэн, зарлуулаад харгислалыг өргөн хэмжээгээр өрнүүлсэн. Ц.Мөнх-Оргил бол Дотоод яамны сайд, МАХН-ын том зүтгэлтэн байсан. Мөн дээрх бүх хэрэг явдалд С.Баярын адил хамгийн их хамаатай.

Монголчууд юу ч хийхгүй байсан ч, Оюутолгой 216 жил тэжээнэ

Гэтэл ийм хязгааргүй баялгийг их өр болгож болдог л юм байна

“Эх орноо харийн ноёрхлоос чөлөөлөгч баатар” гэж ойлгогдохоор байдлаар өөрийгөө сонгуулийн кампаний үеэр ичгүүр сонжуургүй сурталчлан, сонгогчдыг мэхэлж, сонгуулийн хуулийг зөрчиж байсан нэгэн ёс зүйгүй улс төрчийн талаар үгүүлэхийг хүсч байна. Энэ үгүүлэл нь төлбөртэй хар PR биш гэдгийг батлахын тулд, нэрийг нь эс дурдан, ноён Икс хэмээе.
Тэрбээр 1970 онд төрсөн, хятад гарвальтай агаад, энэ нь ч хятад судлаач болоход нь түлхэц үзүүлсэн нь лавтай. Монголын улс төрд ноёлдог, дэндүү олуулаа байдаг нангиад гаралтай хүмүүсээс ганцаараа яс үндсийн онцлогоо олны өмнө мэдэгдсэний нууц нь нэн хүчирхэгжсэнд орших гэнэм. Тэр бүү хэл хятад өвөг дээдсээрээ бахархдаг хэмээн тунхагласан. Ингэж яс үндсийн онцлогоо нуугаагүй, худал мэдүүлээгүй нь л цорын ганц сайшаагууштай үйлдэл нь болой.

Гуравдагч хүч хагархай бөмбөг болох нь уу?

АН ялав хэмээн онгирч, олийтлоо архидаж, МАН ялагдав хэмээн миарч, мэлэртлээ архидаж, гуравдагч хүч гутлын улнаас дор оров гэж гутарч, гулдайтлаа архидсан гэнэм.
Энэ сонгууль сайн муу ямар ч үнэнийг хэлэхгүй, хачин муухай эхэлсэн билээ.
Урьд нь ийм тийм хувь хишиг хүртээнэ гэж амлаж,зарим хэмжээгээр өгдөг ч байлаа. Тэгвэл сая, монголчуудын алт баялаг бол баялаг биш хараал, монголчууд баялаг бүтээдэггүй учраас л муу амьдарч байна, баялаг бүтээ гэх сэтгэцийн гажигтлын дор сонгууль өрнөв. Бүтээсэн баялгийг нь хог новш гээд БНХАУ руу ганзагын наймаач панзчидаар гаргуулж тушаалгачихсан, бааз суурийг нь устгачихсан, аргалаад баялаг бүтээх гэхээр шоронд хийх дөхөн хавчиж хяхдаг юм чинь яаж баялаг бүтээх юм бэ. Монголд хятад хүн л баялаг бүтээж болдог, монгол хүн баялаг бүтээх хориотой шүү дээ. Хятад хүн дархан цаазтай, монгол хүн хортон амьтдын дансанд орсон биш гэж үү?
Урьд, сонгуулиар өрсөлдөгч талууд бие биеийн үнэнийг илчилж, ард түмэнд багагүй зүйлийг ойлгуулдаг байв. Гэтэл энэ удаад тийм илчилгээ байсангүй. Бүгдээрээ нийлээд хулгай луйвар хийж, хүн алж, хүүхэн хүчиндчихсэн юм чинь дээ. Харин АН бин битүү өрөөний салхийг нээж, үнэний салхийг жаахан оруулсан болно. Мөнгө тараасан, царцаа голио нүүлгэсэн, туслахаа зодсон, 7-р сарын 1-ний үймээнийг нухчин дарсан, цөмийн хаягдлын гэрээнд гарын үсэг зурсан гэх мэт.

Улаан номонд орсон ховор зэвэр амьтад УИХ гэх улсын зоопаркад олноор оров

Хамгийн муу гэгдсэн хүнийг зөрж гөжүүдлээд л заавал сонгодог болжээ

Энэ удаагийн сонгуулийн дүн МАНАН-гийн ноёрхлыг өөрчилсөнгүй. МАНАН-г больёо гэж хэдэн жил ярьсан боловч сонгогчид МАНАН, авлигачид, урвагчид, олигархиудаа л сонгосон нь, архичин хүн “маргааш уухгүй” гэж мянгантаа хэлэвч, аанай лонхтой хор луугаа салгалсан гараа явуулах мэт. Бас засарна хүмүүжнэ гэвч засардаггүй хөнгөн явдалт эмс охидтой төстэй ч юм уу.
Толгой дээр нь гараад балбаж, нуруун дээр нь гараад дарлаж доромжилж л байвал хэнийг ч оройн дээд Очирдар гэгээн хэмээн шүтэж бишрэх олиггүй олон нийт бололтой. Энэ янзаараа бол, Хятадын коммунист нам биднийг сонго гэвэл сонгоод л солиороод явж байх юм байна. Хүний хувьд үнэ цэнэтэй байдаг юу ч манайхны хувьд үнэ цэнэтэй биш шиг байна. Эх орон, улс үндэстэн, хөгжил дэвшил гэх ойлголтуудыг ярьсан хүнийг нийлээд нүдэх юм уу, Шар хадны галзуугийн больницод аваачин хэвтүүлж ч мэднэ. Аяга будаанаас өөр зүйл аяга тархинд нь орохоо байчихсан гайхлууд дэндүү олон юм.

Улаан талбай дахь буриад бөхийн барилдаанд оролцсон монгол бөх сайн бүжиглэв гэж шагнуулав

ОХУ Улаан талбайдаа жил бүр буриад-монгол бөхийн тэмцээнийг зохион байгуулах болсон билээ. Энэ удаа гурав дахь удаагийнх нь боллоо.
Буриад “бүхэ барилдаан”-ы Улаан талбайн III тэмцээнд Монгол, Гүрж, Армян зэрэг гадаад улсын, ОХУ-ын Буриад, Москва, Татарстан, Дагестан, Чечень зэрэг субъектын 100 гаруй бөхчүүд оролцжээ.
63, -75, +75 кг-ийн жингийн ангиллаар тэмцээн явагджээ. Ташрамд, Монгол туургатны бөхийн наадамд буриадууд шаардсаар байгаад ийм жингийн ангилал оруулж байсан. Учир нь Ар Өвөр Монголоос бусад хүнд жингийн олон бөх төдийлөн байдаггүй аж.
63 кг-д Мунко Табутаров, -75-д Зорикто Ешиев, +75-д Цыбик Максаров түрүүлжээ. Хэд хэдэн тусгай шагнал олгогдсоны дотор Монголын Тулгаа Галсандорж “танец орла” сайн хийсэн гэж шагнал авчээ. “Танец орла” буюу “бүргэдийн бүжиг” гэж дэвээ шавааг хэлдэг.

Цыбик Максаров

Түрүүлсэн бөхөд Даши Намдаков хэмээх алдарт барималчин 100 мянган рубль олгон шагнаж байв. Энэ барималчийн бүтээсэн Чингис хааны хөшөө Лондонд, хамгийн алдартай түүхэн газруудынх нь нэг Хайд паркад сүндэрлэсэн юм. Дэлхийн том хотуудаар аялсаар байх хөшөө билээ.
Буриадууд дэлхийн II дайнд хамгийн их хохирсон Зөвлөлтийн ард түмнүүдийн тоонд ордог. Дайны явцад амь үрэгдсэн төвшингөөрөө 1-рт орно. Оросын эзлэгдсэн нутгуудад дайн түрэмгийллийн явцад амь үрэгдсэн хүмүүсийн төвшингөөс хоёр дахин өндөр байдаг байна. Учир нь, Сталин буриадуудыг панмонголистууд хэмээн хялайж, дайнд хайр найргүй дайчилж, торгуулийн батальонтой хамт шахуу , хамгийн хүнд бэрх нөхцөл байдлууд руу давшуулж, Москва, Сталинград, Берлиний зэрэг том тулалдаануудад үй олноор нь үйж, дайны геноцид хийсэн юм.
Буриадуудын дэлхийн II дайнд их үүрэг гүйцэтгэсэн, олноор амь насаа алдсан байдлыг хүндэтгэн үзэж, ОХУ-ын төр засаг буриад бөхийн барилдааныг Улаан талбайдаа зохион байгуулж байх болсон билээ.

Бааснууд

наргиа

Эба дарга маань шударга үнэний төлөө шув шулуухан явж байгаад шулмын атганд орлоо, баруун зүгийн базаахгүй этгээдүүдийн “Алтан гурвалжин” мафи буюу, Ц.Нямдорж-Ц.Элбэгдорж-Д.Дорлигжавын нямбай чамбай, хамаг хүч, шүүхийг хантайруулж хураасан мафи хөөрхий сайхан Эба даргыг маань хөх төмөр торны цаана хөл нүцгэн гулдайлгав, баачих шээчих хувингүй камэрт балмад зэрлэгээр чилийлгэв, эвий эвий эвий, Эба даргагүй бид яана, чааваас чааваас чааваас, чанга даргагүй бид хэрхэнэ гээд л олон түмэн эмнэлгийн гадаа хуран уйлалдах буюу, зарим нь тэр дороон нулимсаа арчаад ор тас мартан, хурмаст тэнгэр өөд ширтэн бодсон санасан шинжгүй инээлдэж явах аж.

Эрх баригчид уран сайхны кино хийж, ерөнхийлөгчийн сонгуульд бэлтгэв үү

Саяхан нэгэн бухимдсан уран бүтээлчтэй уулзлаа. Яриа нь бас ч гэж сонирхолтой санагдсан тул сийрүүлсү:
-МАН-аас “Долоон бурхан од харвадаггүй” хэмээх цодгор подгор нэртэй, цолгорох шалгарах маягтай кино бүтээлгэсэн билээ. Манайхан кино хийж байгаа нь энэ гээд л оюун ухааны хомсдолтой хүмүүст зориулж, дебил этгээдүүд хийсэн мэт, “шүлс нь савирсан”, “хэл нь бултайн унжсан” аймшигтай юмнуудыг асар их хөдөлмөрийн өндөр бүтээмжтэйгээр үйлдвэрлэж фабриклан овоолсоор байгаа. Тийм элий балай улс яаж “долоон бурхан” буюу, Ардын хувьсгалын анхны долоогийн тухай кино хийхийг санаж чадав аа, долоогийн тоо ч мэдэхтэй үгүйтэй л улс шүү дээ гэж ихэд гайхаж байв л.

Хятадын Сюй овогтыг манай эрх баригчид, 1919 онд Сюй овогт ирэхэд урвагчид угтсан шиг угтав

Харин монголчууд Хятадын эрх баригчдыг эсэргүүцсэн жагсаалаар угтлаа

Хятадын коммунист намын том дарга Сюй Цай Хоу Монголд айлчилсан өдөр нийслэл хотноо Хятадын эрх баригчдыг шүүмжилсэн агуулгатай цуглаан болсон юм. Цуглааныг зохион байгуулагчдын нэг Ч.Мөнхбаяртай ярилцлаа.

-Та бүхэн яагаад энэ жагсаалыг зохион байгуулах болов?
-2011 оны 5-р сарын 10-нд Өмнөд Монголын нэрт тэмцэгч малчин Мэргэн туйлын зэрлэгээр алагдаж, амь насаа алдсан юм. Үүний нэг жилийн ойгоор бид бүхэн тайван цуглаан зохион байгуулахаар шийдсэн. “Өмнөд монголчуудаа өмгөөлцгөөе” цуглаан маань:
1-рт, Хадаа, Шинээ, Хуучинхүү, Наранбилэг, Содмонгол, Батзангаа, Унага, Алмас, Хөхбулаг, “Босоцгоо, миний Өвөр Монгол!” дууны зохиогч зэрэг өмнөд монгол улс төрийн хоригдлуудыг даруй суллах;
2-рт, өмнөд монголчуудын хүний эрх, үндэстний эрхийг хэрэгжүүлэн дээдлэх;
3-рт, өмнөд монголчуудын эх соёлыг уусган устгаж буй явдлыг арилгах;
4-рт, өмнөд монголчуудын унаган нутгийг булааж, онгон байгалийг сүйтгэж, уламжлалт мал аж ахуйгаас нь хүчээр салгаж, амьдрах аргагүй болгохоо таслан зогсоохыг БНХАУ-ын эрх баригчдад шаардсан утга агуулгатай байсан. Жагсаалд оролцогчдын шаардлагыг ч БНХАУ-ын эрх баригчдад илгээлгэх гэж байв.

ТВ-ийн од болох ажлаа хаяад, Монгол улсад зугтан ирсэн залуугийн яриа

(Нэгэн маш нууц тэмцэгчийн үнэн өчил)

-Та манай сонины уншигчдад өөрийгөө болон, одоогийн байдлаа танилцуулна уу! 
-Уншигч та бүхэнд энэ өдрийн амар амгаланг айлтгая!
Миний бие 1988 онд Шилийн Гол аймагт мэндэлсэн. 2000 онд бага сургуулийн тавдугаар ангиа төгсгөсөн. Тус онд Шилийн гол аймгийн монгол дунд сургуульд элсэн орж, 2003 онд тус сургуулиа онц сайн дүнтэйгээр дүүргэсэн.
2004 онд Шилийн Гол аймгийн Ажил мэргэжлийн дээд сургуулийн Урлагийн салбарын нэвтрүүлэгч-хөтлөгчийн ангид хоёр жилийн хугацаатайгаар суралцаж, 2006 онд амжилттайгаар төгсөөд, улмаар Шилийн гол аймгийн радио телевиз хороонд ажилласан. Энд ажиллаж байсан эхний хэсэг хугацаанд маш их сэтгэл өндөр байсан. Учир нь нэвтрүүлэгч хөтлөгчийн мэргэжил гэдэг чинь дэндүү сайхан мэргэжил шүү дээ. Гэвч энэ их урам минь удалгүй үүл шиг замхарч арилсан, уул нь радио телевизийн зорилго бол үнэн байдалыг үнэнээр нь ард түмэнд мэдээлж байх ёстой юм, тийм атал Хятадын засгийн газрын захиалгаар бэлтгэгдсэн, үнэн байдлыг нуун далдалсан, өмнөд монголчуудын тархийг угаасан худал хуурмаг мэдээ мэдээлэлийг уншиж суух нь миний хувьд монгол үндэстэнээсээ урвасан мэт санагдаж байсан тул өөрийн хүсэлтээр ажлаасаа гарсан. Тэгээд өвөр монголчуудын уугуулын иргэдийн үндсэн эрхийн төлөө тэмцэлийн үйл ажиллагаа явуулж байснаа, 2011 оны 5-р сарын 24-нд Монгол улсад дүрвэн ирлээ.

Өмнөд монголчуудаа өмгөөлцгөөе!

5-р сарын 10-нд 12 цагт Тусгаар Тогтнолын талбайд /"Тэнгис" кино театрын зүүн талд, хуучнаар: Эрх чөлөөний талбай/ “Өмнөд монголчуудаа өмгөөлцгөөе!” жагсаал болно. Та бүхэн өргөнөөр ирж оролцон, өмнөд монгол ахан дүүсийнхээ төлөө дуу хоолой, итгэл сэтгэлээ нэгтгээрэй.

1. Өмнөд Монголчууд гэж хэн бэ?
Мэдээллийн дутагдалтай байдлаас болж, зарим хүн энэ нэршлийг буруу гэдэг, зарим нь Монгол улсын өмнөд хэсгийнхэн гэж ойлгодог. Тийм биш ээ. БНХАУ-ын хилийн дотор оршин суудаг 6 сая монгол ахан дүүсийг маань өмнөд монголчууд гэж нэрлэж хэвшээд байгаа билээ. Тэд бол зөвхөн Өвөр монголын ӨЗО-ы монголчууд бус, Шинжаан-Уйгурын ӨЗО, Хөх нуур муж, бусад мужуудад орших булт монголчууд юм.

Шинэ ёсолгоо ч гаргав, шинэ ёсолгоогоороо их өр тавьсан дарга нартай ч тэмцэв

Шинэ ёсолгоог МАН-ын монгол хүүхнүүд буруу хэрэглэж, булайгаа дэлгэх болжээ

Сүүлийн үед салаавч гаргах нь улстөрчид, элийт эмэгтэйчүүдийн дунд моодонд ороод байгаа билээ. Сайхансамбуу гишүүн сайхан салаавчаа гаргаад сайхан жаргалтай инээж зогсоо  зураг нийтлэгдэж түгсэн.
Манай нэг бавгар сахалт найрагч монгол ёсолгоо гаргав гэж бавагнан явах нь их билээ. Тэр бол монгол ёсолгоо ч биш, бавгар ёсолгоо ч биш, баавай, баавгай ёсолгоо ч биш нум ёсолгоо шүү дээ. Наадам харсан хүн мэдэх байлгүй. Тэгэхэд би анх санаачилсан гэж зүтгээд тэмцээд байгаа нь сайны ёр лав биш. УИХ-д суух гээд байна уу үгүй юу. Урьд нь сууж байхдаа нэгэн цогт эх орончоор “...бавгар хар шиг ухнатаж суухгүй” гэж хүртэл хэлүүлж явснаа мартаж яах нь вэ.
Учрыг эс ухах Со гавъяат согсойж сэгсийгээд Иссык-Кулийн эрэг дээр хур гуйсан халуун говийн үлэг гүрвэл аятай баахан сарвайж арвайж зогссон гэх. Яаж байгаа юм гэхээр монгол ёсолгоо хийж байнаа гэж. Ямар зорилгоор юуны учир вэ гэсэн чинь, өө нээрэн юу билээ гээд ёсолгоо мосолгоогоо хурааж хумьж аваад Монголдоо аргагүй иржээ. Шал дэмий юм гэдэг шал дэмий л байдаг байхгүй юу. Нэг юм харчихаад л өө энийг чинь монгол ёсолгоо болгоё гээд давхиад байвал хаа хүрэхэв.

Монголын хамгийн өндөр цалинтай Н.Багабанди дарга юу дутлаа гэж дэвшив?

Нэр дэвшигчид тодорсоор. МАН л гэхэд маньдаа ямар эзэн ноёдыг өргөн барих нь вэ. Хамаг л өндөр албан тушаалтай С.Батболд, Д.Дэмбэрэл, Г.Мөнхбаяр, У.Хүрэлсүх, Ө.Энхтүвшин, С.Баяр, Д.Лүндээжанцан, Ц.Нямдорж, Я.Содбаатар гээд мөнхийн дарга аварга арслангуудаа гаргаад ирж. Бүр байдгаа шавхсан байна билээ. 40-50 мянган долларын цалинтай, Оюутолгойн ТУЗ-ийн гишүүн Н.Багабанди юу дутав гэж дэвшиж байгаа юм бэ. Титэм үг мүг гээд тэнтэр тунтар хийгээд явсан нь сонгуулийн реклам байж шүү. 
Жүжигчин С яагаад гэнэт улс төр болчихов оо. Нэг үг хэлэхдээ тав тамшаалдаг гэх түүнээс мэргэн ухаан гарна гэвэл хол байлгүй гэж хүмүүс хэлэлцэх юм. Сэтгүүлч Отгондаваа агснаар бичүүлж, нэр хүнд нь унаснаас хойш хагас нуугдмал байдалд орсон гэх тэр харин ч бүр УИХ-д нэр дэвшигч болоод тодроод гараад ирэх шив. Ж гуай чинь одоо до-ре-ми-гээ л мэдэхээс, улс гүрний явдал мэдэх үү дээ. Ярилцлага яриа өгөхөөрөө ийм ч ноот, тийм ч зохиогчийн эрх, Япон, Германд би төрсөн бол хувийн онгоцтой болох байсан л гэж ярьдаг хүн юмсан. Нөгөө торгуулийн тойрог, хөх тойрог гээч рүү эднийг хаяж золиос болгож байгаа бололтой. Өөдөөс нь АН-ын гарцаагүй гарах этгээдүүд халз тулах юм байгаа биз.

Хазарын ард түмний шалгарсан лидер М.Мохакик монголын ард түмэнд талархлаа илэрхийлэв

Афганистаны дэд ерөнхийлөгч байсан тэрбээр 
манай сонины сэтгүүлчийг Кабулд зочлохыг урив

Хазарын ард түмний дайчин манлай удирдагч Баба Мазари зэрлэгээр алагдахад, халааг нь Мохаммад Мохакик, Карим Халили гэх хоёр удирдагч залгамжлан авч, зэвсэгт тэмцлийг нь үргэлжлүүлсэн билээ. Тэд талибанчуудын эсрэг баатарлагаар байлдаж тулалдсаар, ард түмнээ ялалтад хүргэсэн юм.

М.Мохакик

2001 оноос хойш М.Мохакик, К.Халили хоёр хоёулаа Афганистаны дэд ерөнхийлөгч болж байв. К.Халили одоо ч (ЗГ) дэд ерөнхийлөгч юм. М.Мохакик Х.Карзайн засгийн газар хазаруудын эрх ашгийг хамгаалахгүй, урьдын ялгаварлан гадуурхах бодлогыг үргэлжлүүлж байна хэмээн шүүмжилж байсаар, эсэргүүцлийн тэмдэг болгон, сайн дураар огцорч байв. Паштуны күчи ястан хазарууд руу зэвсэгт халдлага хийж газрыг нь булаасан, тэднийг паштун Х.Карзайн паштун ЗГ дэмжсэнийг эсэргүүцэж, өлсгөлөн зарлан асуудлыг нааштайгаар шийдвэрлүүлж байжээ.

Монгол орныг тэр аяар нь Чернобылийн бунхан болгох ажил хийгдэж байна

Чернобылийн ослын 26 жилийн ойгоор, цөмийн хор хөнөөлийн эсрэг тэмцэгч монголчууд жагсаал цуглаан зохион байгууллаа. 14 цагт, фэйсбүкийн Anti Nuclear Movement (АНМ) группийнхний арга хэмжээ “Битлз”-ийн талбайд эхэллээ. Арга хэмжээг зохион байгуулах багийн ахлагч Э.Азбаяр:
-Цөмийн аюулын эсрэг дуу хоолойгоо өргөхөөр “Бүү март! Бүү давт!” жагсаалыг бид зохион байгуулж байна. Өнөөдөр Чернобылийн ослын 26 жилийн ойн өдөр. Хүн төрөлхтөн цөмийн аюул, хор хөнөөлийг яс махандаа тултал мэдэрсэн харамсал гашуудлын өдөр. 26 жилийн тэртээ Чернобылийн АЦС дээр гарсан аймшигт ослоос болж, ард иргэд, байгаль орчин, улс орны эдийн засагт хэмжээлшгүй их гарз хохирол учирсан.
Дэлхий нийт хоцрогдсон, аюултай цөмийн эрчим хүчнээс татгалзаж, сэргээгдэх эрчим хүчийг сонирхож байна. Харин Монгол улсад л уран олборлох, АЦС байгуулах, цөмийн хог шаарыг булшлах төлөвлөгөө эрчимтэй хэрэгжиж эхэллээ.

Н.Энхбаярыг муухай баривчлав гэж Ц.Нямдоржийг огцруулах гэж байхад, сайхан баривчлав гэж Ц.Элбэгдоржийг баярын бичгээр шагналаа

Н.Энхбаяр хоёр айлд зэрэг зэрэг сууж байгаа нь тодорхой байсан тул хоёр айл руу дайрч, хоёуланг нь баривчилсан бололтой

УИХ-ын гишүүд уг язгуураараа балмад наймаачид, хулиганууд учир нударгын хүчээр асуудлыг их шийдвэрлэдэг гэнэм. Нударгын хүчээр тийнхүү асуудлаар шийдвэрлэх чадваргүй, хүсэлгүй нэг ч гишүүн байхгүй. Бүгдээрээ 40, 50 мянгатын, эсвэл хотын хогийн хулиганууд, хөдөөний хөгийн атаманууд байсан гэдэг. Тэдэн дунд бие хамгаалах урлагаар хичээллээгүй хүн нэг ч байхгүй. Хөгшин гишүүд нь бяр хүчээр ааглаад байхгүй ч залуу наснаас нь уламжлагдан ирсэн бүр нэг хөгцөрчихсөн муухай мэхээрээ хөөрхөн хорлочихдог тул залуу гишүүд тэдгээр үхсэн буурын толгойнуудаас айдаг.
Тэдний нударгын нэг эрдэм нь салаавч гаргах болой. Бузар булай утга агуулга бүхий энэ цээртэй үйлдлийг харин ч тэд баяжуулан хөгжүүлсэн. Тэдний дунд салаавч моодонд орсон. Са гишүүн тэрхүү хөгжүүлсэн хэлбэрийг сургуулилж, баясан инээж, хоёр гараараа салаавч гаргаад зогсож байсан нь папарацци дуранд өртөж, паактанд оруулсан билээ. Ер нь тэдний бүхий үйл ажиллагаа бол ард түмнийхээ өөдөөс гаргасан салаавч шүү дээ.

Цөмийн аюулын эсрэг тэмцэгч Амарлин: С.Батболд Японд айлчлахдаа цөмийн гэрээ байгуулсан гэдэгт би итгэлтэй байна

Саяхан нийслэл хотноо болсон, Цөмийн аюулын эсрэг жагсаал олны анхаарлыг татаж, жагсаалыг зохион байгуулсан Anti Nuclear Mongolia Movement гэх фэйсбүкийн бүлгийн талаар сонирхох болсон билээ. Мөн, ноднин жилээс нэн идэвхтэй, эрчимтэй яригдаж хэлэлцэгдэж ирсэн Монголын цөмийн асуудлын талаар ч сонирхох нь нэмэгдлээ. “Цөмийн хор хөнөөлийг хааж хорьсон тогтоол шийдвэрүүд гараад санаа зовох зүйлгүй болсон биш үү, энэ залуус юуны төлөө тэмцээд байна?” гэх асуултыг цөөнгүй хүн тавьж байна. “Anti Nuclear бүлэг болон, golomt.org сайтын Амарлин гэх нууцлаг хүн хэн бэ?” ч гэж асуух нь олонтаа. Уншигч та бүхнийгээ эрхэм Амарлинтай эчнээгээр уулзуулъя.

Н.Энхбаярыг баривчлах биш, сөрөг хүчийг дарах шөнө болсон

“Ухаан жолоогүй дайрсан хүчнийхнийг УИХ-ын гишүүд 
буудчихсан ч буруудахгүй байв” гэнэ шүү

Н.Энхбаярыг баривчлана хэмээн хоёр дахь “7-р сарын 1-ний” дайтай юм болж, сүр бадруулсан билээ л. 4-р сарын 13-ны шөнө болсон тэр үйл явдлыг хүмүүсийн зарим нь сайн мэдээгүй. Эхлэлтэй нь танилцаад л унтсан хүмүүс цөөнгүй. 14-нд тэр явдлыг мэдэж, ихэд сэтгэл хөөрлийн байдалтай, олонхи нь “муу эр дайнд хөөрөх” янзтай байв. Тэр нэг л өдөр шүү дээ.
Тэр өдөр 7-р сарын 1-нээс хойш болоогүй, шинэ мянганд ч болоогүй, 1990 оноос хойш ч болоогүй том жагсаал болж, нэг хэсэг Сүхийн талбай бараг дүүрлээ. Юуны төлөө тэд ингэж жагсана вэ? Цөмийн жагсаал сүүлийн үеийн жагсаалын дунд томд орох бөгөөд 100-150 хүн оролцсон. Бусдад нь бол 20-30 хүн л оролцдог болсон. Ямар сайндаа, 40 байгаль хамгаалах ТББ-ын жагсаалд 20 хүрэхгүй хүн оролцсон, 100 хүрэхгүй гарын үсэг хурсан байх вэ. Ард түмний эх орноо гэх идэвх санаачилга нойл болж, улс үндэстний нэр хүнд тэдний хувьд аль хэдийнээ хужаа оймс бандаашигнаас нь хямд болсон шүү дээ гэмээр. Бүх түүхийн хамгийн шившигтэй монголчууд гэвэл, өнөөгийнхнийг хэлбэл л зохих бөгөөд дарга нар нь цөмөөрөө, олон нийт нь захаасаа БНХАУ-д нэгдэе гэж л гуйж гувшиж, үхэл мөхөл рүүгээ эргэлт буцалтгүй зүтгэх болсон.

Итгэх үү, байх уу

Ард олон маань С.Зоригийн алуурчин л олдчих юм бол амьд явсны хэрэг бүтлээ гэж, авлигач муусайн улс төрчдийг эрүүгийн мөрдөн байцаагчид гэж эндүүрэн 98 оноос хойш янз бүрийн байдалтай сонгосоор 14 жил өнгөрлөө. Ийм л юманд анхаарал хандуулсаар байтал нь улс орон сөнөж мөхөж гүйцлээ.
С.Зориг авралт бурхан байв уу, амин хувиа хичээсэн нэгэн байв уу гэх асуултыг учир мэдэх хүмүүс тавьдаг. Түүнтэй нэр нэгтэн амидай найз нь их л сонин дүр зураглалыг гарган ярьсан байдаг.
Ленинизмийг жинхэнэ утгаар нь хэрэгжүүлнэ гэж бусад “ардчилагчид”-ын адил 1990 онд ярьсаар тодрон мандсан тэр архи ууж, дампуурдаг байжээ. Бас хөзөр их тоглоно. Сум Дашзэвэгийг хэдүүлээ нийлж байгаад сэгсэрье гэж байгаад, мөнгийг нь салган хоосолж байсныг нь өөр нэг хүн ярьсан байдаг гэнэ.
Ажлын дараа хөзөр тоглохгүйгээр явдаггүй, эсэхүл хөзөр тоглохгүйгээр гэртээ ордоггүй нэгэн байсан гэнэм.
Наргиан наадамд түүн шиг хэрэгтэй хүн байгаагүй гэнэм. Онигоо тасралтгүй ярина. Тэгшээ начин хажууд нь юу ч биш маягтай. Элдэв задгай хууч яриа дэлгэхдээ маш сайн. Инээж ханиагаад л, шоолоод л, элдэв паян дэлгээд л байдаг байж, дэлгээд л байдаг байж. Бас их хоржоонтой үгтэй. Гярхай ажигч.

Н.Энхбаярын ивгээл дор энгүй том бизнэс босгох дөхсөн түүх

Н.Энхбаярын сурталчилгааны сэтгүүлийг С.Баяртай булаалдан байж хийсэн минь

Утас хангинан дуугарахад авбал:
-Мөнхбаяр уу? Би ерөнхийлөгчийн зөвлөх Түмэнжаргал байна. Ерөөсөө чи л тэр “Бор шувуу”-г гаргасан юм байнлээштээ. Танай тэр… хоёрыг цагдаад өгчихсөн. Тэгсэн, бодоод байхнээ чи л хэргийн эзэн юм байна. Яахлаараа чи ахтайгаа дайсан болдог билээ. Бушуу ирж уулз… гээд л мэндийн зөрүүгүй бууж гарах нь тэр.
Жинхэнэ борчуудын гаралтай, ясны ардын хүүхэд миний бие Төрийн Ордон мэт босго өндөр газраар төдийлөн явдаггүй юм. Энэ удаад хэрүүл хийх гэж, түр үнэмлэх бичүүлж байж саадгүй гэгч явж орлоо. Элдэв санаа санаачилгаа дээш нь өргөөд өргөөд, хүсэлт тавиад тавиад уулздаггүй зөвлөхүүдийн нэг нь хийгээгүй “хэргийн” маань төлөө дуудаж уулзаж байдаг мөн сонин оо.
Олноо Хар Түмээ гэж нэршсэн энэ хүмүүнтэй гэмгүй танил явсан билээ. 1997 онд “Ням гараг” сонинд ажилд орно хэмээн очиход, "Чамайг мэдэлгүй яах вэ. Би бол хоёр гараараа өргөөд дэмжинэ. Часхийсэн баг бүрдүүлж ажилламаар байна” гэсээр хүлээж авахад нь өөрийн эрхгүй баясч, элдэв сайхан бодолд автсан сан. Гэтэл намайг түүнээс илүү таних мэдэх нэгэн татгалзан ихэрхсэн юмдаг…

Эсрэг тэсрэг байр суурь

Н.Энхбаярыг барьж хорих нь буруу!

Н.Энхбаярыг дарах гэсэн чинь, харин ч ардын баатар болгон, ялагдчихав уу?

Монголын улс төр туйлын буруу булхайтай болсны улмаас, хүн алж талчихаад, тэрийгээ л улс төржүүлж тэмцэлдэн, оноо авч, сонгуульд ялах гэдэг болсон билээ. 7-р сарын 1-нд УИХ, намуудын удирдлагууд, ҮАБЗ бүгд дэмжиж, хэдэн өдөр харгис цэрэг-цагдаагийн дэглэм тогтоон хэлмэгдүүлж хэрцгийлж, таван хүн алж, 20 хүн буудан шархдуулж, 1000 хүн баривчлан тамлаж, 200 хүнийг хилсээр яллаж, олон мянган хүнийг зодуулж, гэмтээлгэчихээд одоо үүн дээрээ л би буруугүй, чи буруутай гэж мэлзэж булзацгаан улс төрийн ашиг хонжоо гаргаж, УИХ-д заларчих, засгийн эрхийг авчих санаатай. Юун нөгөө Монгол орон, улс түмэн. Хог новшоо л үнэд хүргэн дамлах гэж байна шүү дээ.

Улаан нүдэн гараг дээр “Улааннүдэндор” гэдэг монголчуудыг нээж магад

Зарим хүн монгол хүний эрэлд хатаж, Улаан нүдэн гарагаас хайх нь л дутуу байгаа билээ. Мундаг ивгээл дорхи нэгэн төслийн удирдагч, нэр хүндтэй сэтгүүлчийг загнасан аж. Индонезийн монголчуудыг судлаад завгүй байхад, элдэв юм битгий яриад садаа болоод бай гэжээ. Индонезэд олон сая монгол байхад эндхийн та мэтийн ганц хоёр монгол ч яамай гэх санааг илэрхийлжээ.
Энэ хачин хоббиг мэдсэн гадныхан “Манайд ийм монгол, тийм монгол байгаа шүү” гэж, алдуул мал сурагласан эрэлчинд элдэв сураг цуу дуулгаж байгаа юм шиг асууж даажигнаж ч байгаа юм шиг хачин хачин зүйл хэлэх болжээ. Германд, манайд хөх толботой хүн байдаг гэжээ.
Киргизэд, ерөнхийлөгч Отунбаев нь “Манайд монголдор гэдэг монгол үндэстэн бий шүү” гэж янз үзээд ч байгаа юм шиг янзын юм ярьжээ. Монголдор гэдэг бол дундад зууны үед Дундад Азид сууж байсан монгол-түрэг холимог аймгийнхныг хэлж байсан агаад, өдгөө монголдор гэж байхгүй юм. Тэд Төмөр, Бабур зэрэг хаадын байлдан дагууллаар өмнө тийшээ явж, хазаруудтай нийлсэн юмсанж. Байхгүй юмыг байгаа гэсэн хэрэг шүү дээ. Молиго үмхүүлэн наадаж байгаа юм уу, хаашаа юм (Манай татар /дадал/ аймгийн нэрийг авсан улс түмэн олон байдаг, гэхдээ тэд монголчууд биш, түрэгүүд шүү дээ, тэдэнтэй адил). Бас танай Бат хаан Ишгэн-хөл нуурын дэргэд хурилдай хийсэн гэжээ. Иссык-Куль нуурын эргээр монголчууд байсан нь үнэн. Гэхдээ Төмөрт нуур билүү дээ, өөр нэрээр нэрлэж байсан юм . Юу гэж аварга том нуурыг Ишгэн хөл гэх вэ дээ.

Үүл буудаж, цас оруулан багийн ардуудыг дүрвүүлээд, багийн нутгийг нь хулгайлжээ

Дуучин Жавхлан төрсөн нутгийг нь хулгайлсан харийн дээрэмчдийг 
дуу бүтээлийнхээ хүчээр хөөж явуулна

Манайхан хамаг ашигт малтмалаа харийнханд бэлэглэчихээд л гуйлгачин царайлж, гутлыг нь цэвэрлэж явдаг, өлсвөл хаясан уранхай, шивэртэй гутлыг нь чанаж идэх маягийн сэтгэлгээтэй, заяагүй болчихсон улс.
Гэтэл Увс аймгийн Бөхмөрөн сумын Хар алтат багийнхан үлгэр жишээг үзүүлж, гадны колоничлогч компаний эсрэг тууштай тэмцэж байна. Эрт дивангалбаас энэ газар нь баялаг эрдэнэс ихтэй гэдэг нь нутгийн ард зонд мэдэгдэж, Хар алтат нэрийг хүртсэн аж. Монголчууд Хүннүгийн үеэс нүүрс түлж, дэлхийд зааж сургасан байдаг. Ер нь Хүннү бол Монголын хамгийн их эрдэм билэгтэй улс байж, Ромтой бол мэдлэг солилцдог, Хятадад бол багшилчихдаг байжээ. Ямартаа Марко Поло Монголын эзэнт гүрэнд ирээд “Чулуу түлдэг, иддэг мөн хачин улс аа “ гэж хачирхан гайхаж байх вэ. Чулуу түлнэ гэдэг нь нүүрсийг, иднэ гэдэг нь ааруул ээзгийг андууран хэлжээ.

С.Зоригийг ёс зүйгүй, үхсэн учир нэр цэвэр болсон, сайнтай муутай гэж улстөрчид шүүмжлэх болсны учир юу вэ?

Монголын улстөр шиг бохир заваан ертөнц хаана байх билээ дээ. С.Зоригийг хөнөөчихөөд, тэрүүгээрээ л сонгуулиас сонгуульд улс төр хийгээд явна. 7-р сарын 1-нд монголчуудыгаа алж харгислачихаад л тэрүүгээрээ л улстөр хийгээд байх юм. Ерөөсөө л монгол хүний мах цусаар хоол хийдэг улс төр , ертөнц гэлтэй.
Сүүлийн үед харин нэг мэдсэн чинь оройн дээд огторгуйн Зориг хувилгааныхаа нэр сүрд сэв суулгах зүйлсийг улс төрчид, уран сайханчид мэр сэр хэлээд байх болж.
Нэг улс төрч: "Угаасаа л эхнээсээ ёс зүйгүй байсан юм билээ. Булган тэр хоёр чинь хамтран амьдрагч байсан байна. Төрийн зүтгэлтэн хүн, ерөнхий сайдад нэр дэвшиж байсан хүн ийм албан бус гэр бүлийн амьдралтай байж болдог юм уу. Өөрийнх нь ёс зүй хаа байна?" гэжээ. Ийнхүү С.Зоригийг анх ёс зүйгүй гэж хэлэх хүн гарав. Анх удаа ч гэж дээ, амьд мэнд байхад нь ардчилсан намын албин чөтгөрүүдийн нэг, төрийн ордны цонхоор шээсэн төрхгүй амьтан, ДОХ тусч шүдгүй болсон доожоогүй нэгэн, архи тоглоомонд автаж алингаа алддаг гээд л хэлэх хэлэхгүй үгээр дайрдаг байсан л даа, хөөрхийг.

С.Зориг алдар нэрийн хэнээтнүүдийн атаархлаас болж алагдсан байж магад гэлцэнэ

Цезарь хааныг олон сенатор нэг нэг хутгалж алсан тохиолтой яг адилаар 
зохион байгуулсан байж болзошгүй гэнэ

С.Зориг атаархлаас болж алагдсан байж болохыг учир мэдэх хүмүүс өчдөг. Тэрхүү өчлүүдийг дор тоймлон сийрүүлсү:
“Монголын ардчилсан хөдөлгөөн туйлын эмх замбараагүй эхэлсэн аж. Хэн нь яах гээд байгаа нь мэдэгдэхгүй. НАХЯамныхан дотор нь их байсан тул НАХЯ зохион байгуулсан гэх магадлал өндөр.
Зөвлөлтийн хагас колонийн системд үйлчилж байсан дарга нар маань, хэрэв Монголд жинхэнэ ардчилал тогтвол Чаушеску шиг буудуулна гэж их айж байсан байна. Тиймээс өөрсдөө хуурамч ардчилсан хөдөлгөөн зохион байгуулж, Хятадын хагас колонийн системд үйлчилдэг дарга нар болохын тулд хятад гаралтнаас олноор оруулсан байдаг.
Ардчилсан гэж одоо хэлэгдэх ч, тэр үедээ өөрчлөн байгуулалтыг гүнзгийрүүлэх, ленинизмийг жинхэнэ утгаар хэрэгжүүлэх зорилготой гэх залуусын “неформалы” гэдэг, Зөвлөлт маягийн байгууллагын гишүүд НАХЯ-нд баригдаж орхиод, харин ч бүр цэвэр шахуу ардчилал ярих даалгавар авч суллагддаг байсан гэх юм. НАХЯ-ны нэг том даргыг ардчиллын загалмайлсан эцэг гэж асар ихээр ярих боллоо шүү дээ.

Өмнөд монголчуудад зүй бус хандахаа больцгооё!

Уриалга

Дэлхийн монголчуудын нөхцөл байдал өөрчлөгдөж, нэгдэл нягтрал ихсэх, идэвхжих төлөвтэй байна. Гэтэл үүнтэй зэрэгцээд, хилийн чанадын элэг нэгтнүүдийн маань хамгийн том бүрэлдэхүүн хэсэг болох өмнөд монголчуудад зүй бус хандах явдал багасах буурах биш, нэмэгдэх эрчимжих төлөвтэй байгаа нь эх оронч, үндэсний үзэлтэн бидний санааг зовоож түгшээж байна.
Өмнөд монголчуудад зүй бусаар хандах нь Монгол төрийн гол бодлого, Монгол улсын гол асуудал биш л дээ. Гэхдээ элэг нэгт ахан дүүстээ элэггүй, энэрэлгүй хандах нь ноцтой үзэгдэл болж, архагшин хүндэрчээ.
"Өвөр Монгол байгаагүй бол Ар Монгол хятадаар дүүрэх байсан. Ингэж амьд бамбай болж, бусад монголчуудыгаа хамгаалахдаа, дайн тулааны халуун галд хатат төмөр ч хайлахын адилаар зарим хэмжээгээр хайлан ууссан явдал бий. Чингэлээ гээд тэднийг буруутгах биш, монгол соёл ухаанаар тэтгэж, ууссан хайлсныг нь залруулж засч яв" гэж Өвөр Монголын билгүүн номч Х.Захчидсэцэн хэлсэн байдаг.

"Бид 1000 гаруй төгрөгөөр махаа өгч байхад, УБ-т яагаад үнэ нь зургаа дахин өсөв” гэж малчид гайхаж байна

Монгол улс махны архаг хомсдолтой болчихоод байхад, Лаос улсад хонины аж ахуй байгуулан өгч (Монгол улсын нутаг дэвсгэр дээр) лалартав хэмээн өргөн олон хилэгнэж байна. Монголчуудын хүнсний хангамжийг сайжруулж буй нь тэр юм байх. Оронд нь Лаосын зүгээс Монгол улсад цагаан будаа тарьж өгөх юм гэсэн (Лаос улсад). “Хэрэв бидний хүнсний хангамжийг сайжруулах гэж байгаа бол бидэнд хонины аж ахуй байгуулж өгч аль” гэж хүн ард ихэд хилэгнэн, дэлбэрэх дөхсөн Везуви галт уул адил байна.
Дарга нар маань ч болдоггүй улс даа. Хамаг махыг кг-ыг нь 2000 төгрөгөөр Хятадад нийлүүлж, хужаа нарыг пологттол цатгаж байгаа. Харин Монголд махны үнийг 10 мянгад дөхүүлэн хорлов. Үүнийг бичигч бээр Солонгост хийл мах 10 мянган вон байдаг гэхийг дуулаад савж унах дөхөн гайхаж суусан. Мах магнаг болсон газар юм хэмээн уулга алдаж байсансан. Солонгос болбоос уулархаг орон бөгөөд эдэлбэр газар багатай, мал адгуулах бэлчээр нутаг хомс тул мах-чандмань эрдэнэ болсон газар юм. Монгол бол тэгэх биш ээ, мах хог болоод, тэр Леди Гага шиг махаар даашинз хийж өмсөн, ганц хэрэглээд л хаяж байх тийм учиртай газар. Тэгтэл Монголд махны үнийг тэнгэрт хадаана гэдэг - эсвэл манай эрх баригчид дэлхийн хамгийн тэнэг хүмүүс мөн, эсвэл дэлхийн хамгийн хорлонтой чөтгөрүүд мөн.

Манайхан С.Хуссейнийг үзэн ядагч күрдүүдэд С.Хуссейнийг рекламдан сурталчилж байгаад балрах дөхжээ

Бас лалуудад пиво, хүүхдүүдэд нь хатсан печень өгч 
авлигадан мэдээлэгч болгоод буруудах дөхжээ

Монголчууд бид муу бүхнийг тахин шүтдэг, чөтгөрийн шидтэй болсон шиг билээ. Тиймээс Саддам Хуссейнийг Чингис хаанаасаа илүү шүтэх шахам байдаг нь нууц биш.
Иракад байгаа улс маань күрд хүнтэй ярилцжээ. Күрдүүд бол Саддам Хуссейний арабын шовинист үзэл, үйл ажиллагааны золиос болж, их зовж зүдэрсэн ард түмэн. Ямар сайндаа эгэл олныг хориглогдсон хорт хийгээр хордуулж, аймаглан устгаж байхав дээ. Иракад күрд-араб, сунна-шиа шашны зөрчил бол гол түгшээх асуудлууд юм. Гэтэл манайхан энэ талаар юу ч мэдэлгүй очдог аж. Өөрсдийгөө күрдүүд гэж танилцуулсан хүмүүстэй уулзахад тэд Саддам Хуссейнийг үзэн яддагаа хэлж байжээ. Манайхан юу ч мэдэхгүй тул, “Саддамыг л муулж байвал эд нарт таалагдах байх гэж бодоод ингэж ярьж буй биз” гэж муу санаалсан байна. Тэгээд, “Танай Саддамыг их муу хүн байсан гэж үзэхгүй байна. Лав л мундаг удирдагч байсан шүү” гэж манайхан үнэн санаагаа хэлжээ. Үүнийг нь цаадуул нь дэмжинэ байх гэж санасан аж. Юу гэж тэгэх вэ. Мөргөлдөөн гараагүй нь л их юм.

Монголын иргэн болъё гэснийх нь төлөө Журамт баяныг манай дарга нар хөөж, хятадын дарга нар шоронд хийсэн үү?

Монгол улсад зуд турхан болж байхад Журамт баян бурхан болох дөхсөн билээ. Тэрбээр Монгол улсад өөрийн биеэр давхин ирж, гурван нисдэг тэрэг, 30 машин, маш их хэмжээний өвс тэжээл, бас бус зүйлийг хандивласан. Тэр үед Монгол улс даяар техникийн хувьд бүрэн бус нэг нисдэг тэрэгтэй, унаа тэрэгний хомсдолтой, өвс тэжээлийн гачаалтай их л бэрх хэцүү байсан даа.
Гэвч дарга нар маань, ямар санаа байна, далд санаа байхгүй биз, Тавантолгойг авах гэж байна уу гээд л ярвалдаж гарсан. Сүүлдээ бүр амин чухал хэрэгтэй асан тусламжнаас татгалзаж, хүн малын амь нас хохироход хүргэсээн. Өөр улс байсан бол баярлалаа, эрдэнэт хүний амь нас, амьдрал аврагдах нь гээд л тусламжийг нь аваад хэрэглэчих байсан. Дараа нь, би та нарт хандив өргөсөн, одоо Тавантолгойг өг гэвэл хуулийн дагуу шийднээ гээд л болоо шүү дээ.
Гэтэл өнөөдөр тэр талын мэдээлэл түгж, олон юм ил болж байна. Ноён Журамт бол уул уурхайн бизнесээр Хятадын том баячуудын нэг болоод, бизнесээ орхиж, буяны үйл эрхлэх болжээ. Тавантолгойг авна ч гээгүй, манай дарга нарын л хорт үг гэнэм.

7-р сарын 1-нийг өдөөсөн хоёр улс төрчийн духанд сум зоох тушаал өгсөн байж магадгүй гэв үү?

Манай улс төрчдийн жигшүүрт явдалд хязгаар алгаа. 2008 оны сонгуулийг будлиантуулж, хүн ардыг хутган үймүүлж, итгэл сэтгэлээр нь тоглон тохуурхчихаад, эцэс сүүлд нь нийлж нухчин дарж, алахыг нь алж, тамлахыг нь тамлачихаад, одоо тэрнийхээ учрыг олно гэж, шударга дүр эсгэн голийлдож байгаад ахин сонгогдоод авахыг хүсч байна. Ахиад л ард түмнийг харгислана, ахиад л учрыг нь олно гэж өөрсдийгөө рекламдаж байгаад сонгогдоно доо, эд. Энэ бүхэнд эцэс байна уу. Эсвэл мөнхөд эргэлдэх шулмын тойрог уу?
Ж.Энхбаяр сайдыг хараа биз дээ. “Мэргэн буудагчдын ротууд бэлтгэнэ. 7-р сарын 1-нийх шиг үймээнтэй ч зөвхөн холбоотой биш. Олон тохиолдолд хэрэглэнэ” гэж ард түмнийг айлгаж, авилгач ноёдод бялдуучилж байгаад огцрох болчихоод л байж байна. Го дарга гоншгонон байж Лу сайдын маань нууцаар бэлтгэж байсан ажлыг өмчиллөө, улсын нууц задаллаа, огцор огцор гэж байхад, Бат-Үүл баатар бархиран бархиран балиашиглана.

УБ дахь БНХАУ-ын ЭСЯ-г даавуугаар ороож баглан, хэнийг ч гаргахгүй, оруулахгүй гэнэ

Дэлхий даяар өрнөсөн Оссuру бослого Монголд орж ирж, дарга нар үхтлээ айв уу?

Ойр ойрхон хоёр жагсаал болсон нь олон нийтийн мэдээллээр төдийлөн мэдээлэгдсэнгүй.
Нэг нь “Хуучинхүүг сулла!” хэмээх жагсаал бөгөөд, “Битлз”-ийн хөшөөний дэргэд өрнөжээ. Өвөр Монголын үндэсний үзэлтэн, хүний эрхийн төлөө тэмцэгч Хуучинхүүг суллахыг шаардсан хэсэг залуус “Битлз”-ийн хөшөөг цагаан даавуугаар ороож, 1000 гаруй гарын үсэг зуруулжээ. Тэд одоо “Цагаан тууз” гэх энэ аяныхаа хүрээнд цагаан туузаа олон сургууль, байгууллагуудаар аялуулж байгаа бөгөөд, хэдэн зуун метр урт даавуун дээр гарын үсэг зуруулах бодолтой байна.
5-р сарын 11-нд аян нь дуусч, хаалтын жагсаалаа БНХАУ-ын ЭСЯ-ны гадна хийнэ. Чингэхдээ урт, залгасан туузаараа БНХАУ-ын элчинг ороож баглан, Хуучинхүүг суллатал хэнийг ч оруулахгүй, бас гаргахгүй гэнэ.

Anti Nuclear Movement ТББ-ын залуус цөмийн эсрэг жагсаал зохион байгууллаа. Японд Фукушимагийн АЦС-д осол гарсны нэг жилийн ойд зориулжээ. Гэтэл ихэнх хүн үүнийг өөрөөр ойлгожээ. Ерөнхий сайд С.Батболд АЦС байгуулах талаар хэлэлцэж тохиролцох гэж Японд айлчилсныг эсэргүүцсэн жагсаал гэж ойлгожээ. Энэ жагсаал Япон, Монголд зэрэг болсон байна. Тэгэхлээр Япон-Монголын харилцаатай холбоотой л болж таарах гээд байна.

Бид Өвөр Монголыг нээсэн Колумб шиг байв

Миний бие саяхан хэсэг үндэсний үзэлтэнтэй хөөрөлдсөн юм. Олон сонирхолтой юм яригдсан. Нэгийг нь сийрүүлсү (Аюулгүй байдлын үүднээс зарим зүйлийг нууцлав. Р голлон ярив).

-За сайхан өвөлжиж байна уу?
-Сайхаан, сайхан.
-Тарган тавтай онд мэнд оров уу?
-Тийм.
-Та хэд чинь дээр үед Хятадын элчингийн гадна бужигнуулж явсан гэж байгаа биз?
-Тийм ээ. 1990 оны хувьсгалд үндэсний хувьсгалын шинж чанар бас байсан юм. Тиймээс үндэсний үзлийн их тэсрэлт болсон шүү дээ. Бид 1991 оны 11-р сард “Өвөр Монгол, Түвд, Туркестанд эрх чөлөө олго!” гэж шаардан, БНХАУ-ын ЭСЯ-ны гадна долоо хоног суулт хийсэн.
Тэгээд МоАХ орж, эсгий, ямаха мотор гуйхад одоогийн Б. гишүүнээс зөвшөөрөл ав гэв. Б. гуай бидэнд тэмцлийн тактик стратегийн талаар нэг цаг “лекц” уншаад , өгч байж билээ. Одоогийн Э. ерөнхийлөгчийг суултад оролцох уу гэхэд, цаг зав муутай байгаагаа хэлээд, харин албан ёсоор мэндчилгээ дэвшүүлж, дэмжиж байгаагаа илэрхийлж асан.

Олуулаа болох бодлогыг олуулаа зөв хэрэгжүүлцгээе!

Эсбөгөөс, эсрэг үзэлтнүүд нь л хүчээ авах нь байна шүү!

Ц.Элбэгдорж ерөнхийлөгчийн “Олуулаа болцгооё!” уриалгад хүмүүс олон янзаар хандаж байна. Энэ бодлогоо зөв сайн сурталчилж таниулахгүй бол дэмжигчдийн тоо нэн хангалтгүй байна.
Үндэсний үзэлтнүүд АН-ынханд талгүй ханддаг хандлагаа нэлээд баримталж байна.  Ардчиллын нэг алтан хараацай партизан хүн “Тэр санааг бол анх би л гаргасан. Ганцаарчилсан тоглолт хийж болохгүй. Үндэсний үзэлтнүүдтэйгээ ярьж зөвлөхгүй шийдсэн нь таалагдахгүй байна. Үндэсний үзэлтнүүдийг оролцуулахгүйгээр үүнийг хийвэл олиггүй л юм болно” гэв. Бас нэг их нэр хүндтэй судлаач хүн, монгол бус хүн үүнийг ашиглан Монголд орж ирж ашиг хонжоо гаргах магадлал өндөр гэж сэрэмжлүүлсээн.
Ц.Элбэгдоржийн уриалга, уулзалтад хэлэх үг зэргийг тамгын газрын ажилтнууд, референтүүд бэлдэж өгдөг нь ойлгомжтой. Тэд монгол үндэстний талаар тун ойлголт нимгэн байгаа нь түгшмээр.

Монголын “Моёлхон” кино туйлшрах үзэлд ашиглагдаж байна

Америк дахь Орос улсаас гаралтай цөөн тоот үндэстнүүдийнх нь russianminoriti.com гэдэг сайт байх аж. Түүний оросын буриадуудын хэсгийг нь сонирхлоо. 
Монголын “Моёлхон” (Мойлхон) гэдэг киног их сүрхий кино болжээ гээд л магтаж. Болливудаас (энэтхэг кино) долоон дор утга агуулга, оюуны төвшинтэй, дэлхийн хамгийн муу муухай кино хийдэг улс чинь энэ удаа харин гайгүй юм хийчихжээ, овоо л доо гэж урамшин бодлоо.
Гэтэл тийм биш байжээ.
Халхууд буриадуудыг алж хядсан гээд л үндэстнийг хагалан бутаргасан, бодтой биш, ухвар мөчид яриа яваад л байдаг юм. Түүнээс болж буриадууд гомдолтой, халхууд гэмшилтэй маягийн явж ирсэн. Социализмын үед Монгол улсыг мохоож мөхөөхийн тулд гол ястан халхыг нь аль болох доош дарж, сулруулах бодлого явагдаж байсны л үр шүү дээ. Ямар ч үндэслэлгүйгээр халхууд “урвагч үндэстэн”-ий статустай болчихоод, бүхэнд буруутгагдаж, яллагдаж, гутарч гутаж л явж ирлээ. Тэр бүгд оргүй худал юм! Ёстой л Осгонбаяр ламтны хэлдгээр юм унш, сайн бод. Бүх юм маш амархан тодорхой болоод ирдэг.

Баянхошуунд шөнө чоно дагуулсан, зуны хувцастай аймшигт хүүхдүүд явдаг болсон гэнэ

Эрхэм  ерөнхийлөгч сайд болох улс амьтсыг загнаж баахан хүнийг кайф авахуулав. Ер нь яахав тийм сайд тэгнэ ингэнэ гэдгийг найзан дундаа яриад хөөрөөд, инээгээд ханиагаад шийдчихдэг байж л дээ. Гэтэл энэ удаад хэвлэл мэдээлэл дуудаад иймээ тиймээ юм болчихов оо, хөөрхий. Зарим нь: “Нөгөө Зөвлөлтийн “Шурикийн адал явдал” кинонд Моргунов хэв журмын эргүүлийг ирэхээр Никулин, Вицин нараа нам цохиод, явахаар нь сүйд болоод байдаг шиг л юм болж байгаа юм” гэж хэлж байх юм...
МАН-ынхан ч гэж МАН-ынхан. Ерөнхий сайд, БХЯ-ны сайдыг бол ерөнхийлөгчтэй заавал зөвшилцөж байж тогтох, түрүүчийн сайдуудыг огцруулах УИХ-ын шийдвэр гарсан хойно дараачийн сайдуудыг ярих хуультай юм байна шүү дээ. Тэрийг ч ядаж дагачихалгүй сандал суудал, идэх уух нь бодогдоод л давхиад ороод ирсэн, тэгээд л олзлогдох нь тэр.

Одонгийн талаар олон үг сонссон минь

Миний бие саяхан Тусгаар тогтнолын одонгоор шагнууллаа. Үүнтэй холбоотойгоор янз бүрийн л зүйл сонслоо. Сөрөг зүйл л нэлээд сонслоо доо. Тэдгээрийг тоймлон сийрүүлье:
“Монгол улс сэргэн мандсаны 100 жилийн ойгоор “1911 оны хувьсгалын үзэл санаат 1990 оны хувьсгалыг хийхэд гар бие оролцон гавъяа байгуулсны тул” гээд Тусгаар тогтнолын одонгоор хэдэн мянган хүнийг шагнажээ. Тэгэхдээ төрийн гурван өндөрлөг, 76 гишүүн, бүх генерал нарыг шагнасан байх юм. Тэдэн дунд 1990 оны хувьсгалд гавъяа байгуулах байтугай, оролцоогүй, эсэргүүцэж байсан, одоо ч эсэргүүцдэг хүмүүс ч оржээ.

"Цөмийн хөнөөлийг зогсооё!" хэвлэлийн хурал - 2012.06.23

Японы ЭСЯ-ны дэргэд жагсав

Японы цөмийн эсрэг тэмцэгчдийн элч төлөөлөгч, Network for Nuke-Free Earth ТББ-ын тэргүүн Чой Сүн Гү Монгол улсад ирж, нөхдийнхөө нэрийн өмнөөс Монголын цөмийн эсрэг тэмцэгчидтэй хамтран ажиллах талаар хэлэлцэж тохиролцов. Японы ногоонтнууд өөрийн улс орны цөмийн хаягдлыг гадаад руу гаргахгүй байх талаар ч тэмцдэг шударга сайхан улс юм билээ. Монголын цөмийн эсрэг идэвхитнүүд ноён Чойтой хамтран, Японы зүгээс цөмийн хаягдал, цөмийн бусад хөнөөлт зүйлсийг Монголд нэвтрүүлэхгүй байхыг  шаардсан, 7.16-ны Японы цөмийн эсрэг сүрт эсэргүүцлийг дэмжсэн цуглааныг тус улсын ЭСЯ-ны дэргэд зохион байгуулав.

ЗГ-ын цөмийн төлөвлөгөөг яллан буруушаав

ЗГ хэдхэн хоногийн настай байж, ирэх 5 жилийн хөрөнгө оруулалтын хөтөлбөрийн төсөл гээчээ яаран сандран гаргаж, халагдах УИХ-аар батлуулах гэсэн  нь нийгэмд дургүйцлийг төрүүлэв. Цөмийн хуйвалдааны эсрэг тэмцэгч бид цөмийн хуйвалдааны талаас нь эсэргүүцэн буруушаав. Харийн цөмийн хаягдал булшлах байгууламж,  цөмийн уурхай, реактор, лаборатори байгуулна гэж, 60 орчим тэрбум төгрөг улсын төсвөөс гаргахаар төлөвлөн тэр хөтөлбөртөө оруулсан байв. МоАХ-ны ЕНБД Г.Байгальмаа, МБОИЗ-ийн тэргүүн Д.Ганболд, Ногоон хөдөлгөөний тэргүүн А.Саруул,  Миний Могнолын газар шороо ТББ-ын тэргүүн П.Болд, Баяншарга ТББ-ын тэргүүн Л.Бор бид хуралд оролцов. Хэвлэлийн хурал гадаад дотоодод анхаарал татаж, Японоос цөмийн эсрэг нэрт тэмцэгч Чой энэ асуудлаар тусгайлан ирэв.

“7-р сарын 1” давтагдахаас сэрэмжлэгтүн!” хэвлэлийн хурал

“7-р сарын 1” давтагдахаас сэрэмжлэгтүн!” хэвлэлийн хурлыг Хохирогчдын холбооны тэргүүн Х. Оюунцэцэцэг, 7-р сарын 1-ний хохирогчдын холбооны тэргүүн Ж. Энхбаяр,  7-р сарын 1-ний хохирогч Тунгалаг нарын үзэл тэмцэл нэгтнүүдийн хамт зохион байгуулалцав. 

Цөмийн хаягдал булшлах гэрээг эсэргүүцэв

Үзэл санаа нэгт нөхдийн хамт “Цөмийн хаягдал булшлах гэрээг цуцлая” хэвлэлийн хурал зохион байгуулалцав.  Цөмийн энергийн газрын дарга асан С. Энхбат эрдэмтэн Монгол оронд олон улсын цөмийн хаягдал булшлах гэрээнүүдийг Д.Зоригт, С.Батболд, А.Ундраа нар байгуулсан болохыг илчлэн мэдэгдсэнтэй холбогдуулан хийсэн юм. Хэвлэлийн хурал дээр Д.Зоригт сайдын “үсийг хусах” бэлгэдлийн үйлдэл хийсэн нь олны анхаарлыг татав. Сонин хэвлэлийнхэн ярилцлага авч, цөмийн эсрэг үзэлт залуус “Могнолыг булшлахыг санаархагчид” бичил кинондоо оролцуулж, зарим нь плакат зураг хийн түгээж байв.  

  

“Хөх Монгол” бүлхэмийн хамт

“Хөх Монгол” бүлхэмийн зөвлөхийнхөө хувьд “Яс үндсийн үнэн мэдээлэлтэйгээр сонгуульд  оролцъё” хэвлэлийн хурлыг зохион байгуулалцав. Тусгай уриалга гаргаж, өргөн хүрээнд төдийлөн яригддаггүй асуудлыг шийдвэрлэх саналыг дэвшүүлэн тавьсан билээ.

Мөн, “Хөх Монгол” бүлхэмийн тэргүүн Д.Гансүрэнгийн хамт ” Эх Орон” ТВ-ийн тусгай ярилцалгад оролцов.

Цөмийн эсрэг No Nuclear группийнхэн тэмцэв

Фэйсбүкийн 11 000 гаруй гишүүнтэй No Nuclear группийн гишүүд “Цөмийн мафийг үл сонгоцгооё” хэвлэлийн хурал хийв. Монгол улс үндэстнийг мөхөөх аюултай цөмийн хуйвалдаанч - дэвшигчдийг бүү сонго хэмээн нэрлэж, ард түмэнд зориулж уриалга, намуудад (4 намын нэр дэвшигчдийг нэрлэсэн) шаардлага, сонгуулийн хороонд хүсэлт гаргаснаа танилцуулав. 

Үндэсний үзлийн сэдэвт ТВ-ийн шууд нэвтрүүлэгт оролцов

С1 ТВ-ийн, Х.Баттулга гишүүний хөтлөн явуулдаг цуврал хэлэлцүүлгийн “Үндэсний үзэл, үндэсний бахархал” сэдэвт шууд нэвтрүүлэгт нь оролцон санал бодлоо илэрхийлэв. Нэвтрүүлэгт Р.Амаржаргал гишүүн,  судлаач Б.Балжинням, мэдээлэлзүйн нэрт мэргэжилтэн Ариука нар оролцон мэтгэлцэв.

Номыг маань худалдан авлаа

Миний бие 2010 онд “Нисдэг баавгай” хэмээх хошин шогийн түүврээ уншигчдын хүртээл болгосон минь “Алтан Өд” шагналын номинант болж, мөн МЗЭ-ийн шагнал хүртэхэд нөлөөлсөн билээ. Тэгвэл энэ ном минь ахин эзнээ баясгалаа. БСШУЯ  326 ширхгийг худалдан авах саналаа ирүүлэв.